musika sa aking pandinig

pagkatapos ng mahabang sesyon ng pakikipaglaro ng pokersa tatlong puting unggoy na aking kahalubilo, aking napagtanto na marahil ay isang kahunghangan ang kompetisyon sa pagitan nang babae at lalaking walang alam kundi ang ipagmayabang nag kanyang kakayahan na bumili ng mga bagay na maluho. marahil ay dahil sa kakulangan ng kanyang bayag o di kaya naman sa sukat ng kanyang...pagkatao.

hmp. natatalo lang siguro kaya pati na ang musikang aking gustong pakinggan ay "gay" daw sa kanyang pandinig. ang damuho! nakikilaro na nga lang poker sa bahay ng may bahay (ni hindi nga nagbitaw ng limang dolyar na pang-pusta sa laro...tsk tsk...sayang...nasa bulsa ko na sana ngayon ang aking limang dolyar na kayang pinatalo) e hindi pa binigyang galang ang musika na akin namang kinasasaya.

buwisit talaga. kung ako kaya ang nasa kanyang pugad (bahay, tanga!), magugustuhan kaya niya kung sabihin ko na kinamumuhian ko ang musikang kayang pinakikinggan? bukod sa inaagaw niya ang atensiyon ng bagong dating kong boypren (galing sa cincinnati, nagbakasyon ng tatlong araw), e nagpapakabayani sa pang-aasar.

musika: if i aint got you - alicia keys

katamaran

oo na...tamad na kung tamad...anong magagawa ko kung talagang tinatamad ako. and gusto ko lang e umupo sa aking pedestal at tumipa ng mga letra.

mali...mali...

kahit pag-tipa...kinatatamaran ko na rin...

gusto ko lang ay umupo [o humiga] at ...wala lang...manood siguro ng telebisyon. o kaya naman kung mainit sa labas, e, tumingin sa langit o sa kawalan.

kung bakit naman kasi ipinanganak pa ang tao na nangangailangan ng pagkain at ng kasilyas. kailangan ding kumayod para kumain at pagakatapos ay idudumi rin naman. ah letseng buhay to...

hindi ko naman ikinagagalit ang takbo ng buhay ko. masuwerte nga ako kung tutuusin. may kaalaman para kumayod at magkapera ng sapat (iyon e kung hindi ako tinatamad pumasok sa trabaho). kumakain ng pagkaing gusto ko. nakakapaglibot kung kailan ko gustuhin.

pero ano nga ba ang hinahanap ko? masaya ba ako? bakit parang laging may kulang. kulang ng sigla. kulang ng buhay.

nakakaintindi ka ba ng tagalog?

nagsasawa na ako sa kaba-blog sa ingles. naubusan na nga yata ako eh...ng ingles. hamakin mo ba namang araw-araw na lang na ginawa ng maykapal e ingles na lang ang ginagamit ko. ang masakit pa nito, kahit ang mga pinoy na kilala ko dito sa knoxville e inglesera din.

nakupo!

sinasabi ko na nga ba. lumalabas na rin ang kabilang pagkatao ko. o pagkalahi? lintik. ano nga ba ang tagalog ng "my other side"? ang aking kabila? ang aking gilid?

juice mio!

pati tagalog nakalimutan ko na rin yata. pero hindi. lumalagapak na 90% at mas mataas pa ang mga grado ko sa pilipino noong nasa elementarya at hay skul (gaga! mababa at mataas na paaralan!). ang gusto ko lang namang talagang sabihin e lumalabas ang pagkabatangenyo ng manunulat (ang tatay ko batangenyo, ala eh, mala-tae!)

oops, sensord yata yun!

kaya kailangan maipakita ko sa madlang pipol na kaya ko ring sumulat sa tagalog. yun nga lang hinid ko malaman kung may madlang pipol nga ba na magbabasa ng basura, inc. biruin mo, pinangalanan ko na basura, inc ang blog na ito!

hindi mo naitatanong, (at wag ka nang magtanong, mamaya na lang) may mga oras sa buhay ko na wala akong magawa. yun bang nabablangko lang ako. yun bang, uupo ako sa harap ng kompyuter, titipa ng mga letra. pipindutin ang daga (mouse!) at titignan kung may nagkainteres na magbigay ng komento sa lichni.blogspot.com tapos pupunta sa friendster at myspace. mapapagod sa kababasa ng wala (wala naman kasing nagkakainteres na sumulat sa akin). kaya hayun, napupunta sa wala ang oras ko.

hay nakupo! nagulo na naman ang mundo ko!

siya, siya. mananahimik muna ako. malay mo mamaya lang makakaisip na naman ako ng basurang isusulat ko sa tagalog.